Pj Wali Kota Ambon Boy Kaya, Ungkapkan Rasa Masuk Tahun Baru 2025

Ambon,MalukuBersatu.Com,-Sebelum mengakhiri tahun 2024 Pj Wali Kota Ambon Dominggus Kaya, biasa disapa pa Boy. Menyampaikan ungkapan rasa menutup tahun 2024, menyatakan hormat buat seluruh warga kota Ambon yang dicintainya. Samua yang ada di lima kecamatan deng 59 negeri desa kelurahan, disegala tempat yang dong ada. Seng rasa tahun bejalang paleng cepat. Tinggal menghitung jam saja maka katong samua akan meninggalkan tahun 2024.

Diakhir tahun dan dioras yang bae nih beta mau mengajak samua warga dikota Ambon dong samua angka hati dan bersyukur minta danke banyak-banyak par tete manis. Tuhan Allah Yang Maha kuasa, Allah SWT yang su jaga katong pelihara katong la hentar katong for masuk tahun 2025. Ada kata bijak yang mengatakan, belajarlah dari hari kemarin hidup untuk hari ini dam belajarlah untuk hari esok.

Maksudnya tinggal katong yang hidup oras nih inga akang dan nanaku akang supaya bisa jadi langkah par hidup esok- esok. Ina ama basudara samua labe dari itu beta jua salalu angka hati bilang danke par Tete Manis barang ontua kasih beta jadi Wali Kota. Biar akang seng lama cuma 9 bulan saja ini beta pung kesempatan sakali saumur hidup. Untuk itu beta sampaikan for kasih seauatu yang bermakna buat katong samya diujung tahun ini.

Karena ditahun 2025 pimpinan terpilih dapa angka dan lantik dari Upu Latu Maluku, dimana pimpinsn pusat kasih tanggungjg jawab penting buat semua Kapala daerah di Indonesia lapis dengan bera lai for kawal pilkada. Lalu biking semua kegiatan pemerintahan dan pelayanan par masyarakat, biar kata beta jadi pj Wali Kota Ambon waktu pende. Tapi dalam perjalanan beta selalu taruh hati pono pono for Tuhan. Ijin beta biking bae Ambon dengan lebih tanggungjawab.

Biking karja satambong beta seng bisa sandiri, beta parlu orang laeng musti kerja sama deng para pembesar DPRD, Tentara, Polisi dan sipil. Beta parlu dong samua warga kota Ambon lalu beta mau bilang puji Tuhan Alhamdulilah barang karja satambong tu katong subiking akang biar sadiki sadiki. Yaitu pilkada su bajalang dengan segala bae aman dan damai beta minta danke buat KPU dan lainnya, dong su ator bagus bagus.

Selain itu buat warga kota Ambon jang susah, dimana tiap masuk kajadian pasti harga nae, beta su arahkan kantor kantor yang pung tanggungjawab musti antor bae bae. Dan orang bajual harus inga-inga hati lai jang talalu kasih nae barang dan katong pung kerja keras akang seng par cuma. Barang kantor BPS dong hitung triwulan empat akang positif diangka 59 persen lebih bagus dari triwulan tiga. Selain itu indeks lembangunan manusia diangka 82,84.

Sedangkan untuk inflasi lai paleng besar dari samua daerah di Maluku inflasi diangka 2,56 persen, untuk angka orang kasing turun katong bersyukur buat Tuhan. Yang beta bilang tu jadi bukti katong seng duduk pangko tangan diblakang meja, tapi tarus kerja beta minta dinas biking yang bae biar warga sanang. Katong bisa biking sanang bage bage ikan beta kumpul distributor tanya barang-barang akang bisa cukup par natal dan tahun baru dan jawaban aman sampe dua bulan kedepan.

Nantinya tahun 2025 nih pimpinan baru bt su parentah juru tulis dong ator bae bae supaya akang bajalang bae bae. Beta minta warga katong dukung pimpinan baru, seng lama katong masuk tahun baru mari jaga kota Ambon bisa aman tarus. Beta minta danke banyak buat TNI Polri su baku bantu ringankan tanggu gjawab pemerintah fir lia keamanan di kota ini. Marilah katong tarus biking bagus Ambon yang kating samha cinta dengan cara.

Katong harus musti hidup laeng sayang laeng, seng curiga satu deng laeng jang baku tatoki laeng karena kating samua orang basudara. Katong musti kasih inga laeng hidup ini jang par diri sandiri, beta kasih inga yang karja dikantor harus rajin dan selesaikan tugas dengan takut Tuhan. Mesti karja bae jang datang apel lalu pi ka rumah kopi duduk kewel, mama mama durumah jang carita birman pung hal. Anak sekolah harus rajin belajar, anak-anak muda jang iko rame balap motor apalagi judi dan narkoba.

Sebagai Pj Wali Kota beta mesti bilang karena ini buat katong samua pung bae. Lanjutnya, katong samua harus karja dengan hati supaya Ambon tetap jadi manis dan biking dengang hati. Samua musti jalan sama-sana baku pegang tangan satu sanang samua sanang, satu susah samua susah pela gandong terus dilestarikan, sagu salempeng dipatah dua ale rasa beta rasa.

Akhirnya beta dan keluarga bersama pemerintah kotabAmbon berserta seluruh aparatur mau bilang danke banyak buat katong samua.(MB-01)